برطانیہ میں کرونا وائرس کی نئی قسم کے انکشاف کے بعد کئی یورپی اور ایشیائی ممالک نے اس پر سفری پابندیاں عائد کر دی ہیں۔ کرونا کی اس نئی قسم کو 'وی یو آئی' کا نام دیا گیا ہے جو ابتدائی اندازوں کے مطابق پہلے سے موجود کرونا وائرس کے مقابلے میں زیادہ تیزی سے پھیل رہی ہے۔ امریکہ کے 78 سالہ نو منتخب صدر جو بائیڈن اور ان کی اہلیہ جل کو کرونا وائرس سے بچاؤ کی ویکسین آج دی جا رہی ہے۔ اس عمل کو ٹیلی ویژن پر براہِ راست دکھایا جائے گا۔ مزید خبروں اور تفصیلات کے لیے سنیے اور دیکھیے وائس آف امریکہ کا سات بجے کا نیوز بلیٹن۔