سنڌ ۾ مڪاني چونڊن جي ٻئي مرحلي ۾ ملڪ جي سڀني کان وڏي شهر ڪراچيءَ ۾ يونين ڪائونسلن جي چيئرمين، نائب چيئرمين ۽ ڪائونسلرز جي انتخاب جي لاءَ ووٽ وڌا ويا. اليڪشن ڪميشن مطابق، ڪراچيءَ ۾ 84 لک37 هزار 520 رجسٽرڊ ووٽر آهن.
چونڊن جي نتيجي مڪمل ٿيڻ کان پوءِ مڪاني نظام جي لاءِ اڳئين مرحلي جو آغاز ٿيندو جنهن ۾ براه راست چونڊيل ميمبر مخصوص نشستن جي لاءِ نمائندن ۽ پوءِ ميئر، نائب ميئر ۽ ٽائون چيئرمين جو انتخاب ڪندا.
سنڌ ۾ 2021 جي بلدياتي قانون مطابق، ڪراچيءَ ۾ ست ضلعا آهن جن کي وڌيڪ 25 ٽائون ميونسپل ڪارپوريشنن ۾ ورهايو ويو آهي.
انهن 25 ٽائونز ۾ مجموعي طور تي 246 يونين ڪاميٽيون (يو سيز) آهن جن جا چيئرمين، نائب چيئرمين ۽ جنرل ڪائونسلرز جي لاءِ 15 جنوريءَ تي سڌي سنئين چونڊ ٿي.
انتخابات ۾ بره راست چونڊجڻ وارا يونين ڪائونسل جا چيئرمين ڪراچي ميونسپل ڪارپوريشن (ڪي ايم سي) جا ميمبر هوندا.
ڪي ايم سيءَ ۾ پارٽيءَ جي نمائندگيءَ جي تناسب سان عورتن جون 81، مزدورن جون 12، نوجوانن جون 12، اقليتن جون 12، ٽرانس جينڊر ۽ خصوصي ضرورتن جي حامل ارڪان جي لاءِ ٻه ٻه سيٽون مخصوص ڪيون ويون آهن.
اهڙي ريت 121 مخصوص نشستن سان ڪي ايم سيءَ جي ميمبرن جو مجموعي تعداد 367 ٿئي ٿو. اهي ئي ڪائونسل ميئر جي چونڊ ڪندا.
نئين بلدياتي قانون مطابق، ميئر جي لاءِ يو سي چيئرمين منتخب ٿيڻ ضروري ناهي، التبه ميئر جي لاءِ ڪي ايم سي ڪائونسل جي رڪن ٿيڻ جو شرط رکيو ويو آهي.
اهڙيءَ ريت مخصوص سيٽن تي ڪامياب ٿيڻ وارا ميمبر به ميئر ٿي سگهن ٿا.
يو سي ۽ ٽائونز ڪاميٽيءَ جي تشڪيل
يونين ڪائونسل ۾ چيئرمين ۽ نائب چيئرمين کي مشترڪه بيلٽ پيپر ذريعي ووٽ ڏنا ويا، جڏهن ته هر يو سيءَ ۾ چار وارڊن جي لاءِ جنرل ڪونسلر جي انتخاب جي لاءِ الڳ بيلٽ پيپر تي ووٽ وڌا ويا.
هوڏانهن هر هڪ يونين ڪاميٽيءَ جا 11 ميمبر آهن جن مان چيئرمين، نائب چيئرمين ۽ چئن وارڊن مان منتخب ٿيڻ وارا جنرل ڪائونسلرز سميت ڇهه ميمبر براه راست چونڊيا ويندا.
اهي ڇهه ميمبر هڪ خاتون، هڪ ڪڙمي يا مزدور، هڪ نوجوان ۽ هڪ غير مسلم ميمبر جو انتخاب ڪندا.
ڪراچيءَ جي 25 ٽائونز ۾ شامل يوسيز جي چونڊجڻ وارا نائب چيئرمين ٽائون ميونسپل ڪاميٽيءَ جي چيئرمين جي چونڊ ڪندا.
