رسائی کے لنکس

logo-print

بھارت: پابندی کے پانچ ماہ بعد میگی نوڈلز دوبارہ دستیاب


اگست میں ممبئی کی عدالت عالیہ نے اس نوڈلز کی تازہ جانچ کا حکم دیتے ہوئے اس کی فروخت پر پورے ملک میں پابندی عائد کر دی تھی۔

بھارت میں مقبول عام "میگی نوڈلز" تقریباً پانچ ماہ کی پابندی کے بعد دوبارہ بازار میں دستیاب ہے۔

یہ نوڈلز سوئٹزرلینڈ کے برانڈ "نیسلے" کی ملکیت ہے اور اس اداے کے بھارتی یونٹ نے پیر کو ملک کے تقریباً ایک سو شہروں میں دوبارہ اسے فروخت کے لیے پیش کر دیا ہے۔

رواں سال جون میں میگی نوڈلز کو اس بنا پر بازاروں سے ہٹا دیا گیا تھا کہ حکام کو اس میں ممکنہ مقدار سے زیادہ مقدار میں سیسے کے نمونے ملے تھے۔

اس بنا پر تقریباً لاکھوں ڈالر کی نوڈلز کو مارکیٹ سے ہٹا کر ضائع کر دیا گیا۔

اگست میں ممبئی کی عدالت عالیہ نے اس نوڈلز کی تازہ جانچ کا حکم دیتے ہوئے اس کی فروخت پر پورے ملک میں پابندی عائد کر دی تھی۔

لیکن اب حکومت کی منظور شدہ تین مختلف لیبارٹریوں سے اس کے مضر صحت نہ ہونے کی تصدیق کے بعد میگی نوڈلز دوبارہ بازار میں فروخت کے لیے پیش کر دی گئی ہیں۔

اپنے ایک بیان میں "نیسلے" نے کہا ہے کہ "یہ ادارے کے لیے ایک مشکل دور تھا اور لیکن اب نوڈلز کو دوبارہ بازار میں پیش کرتے ہوئے اسے اطمینان کا احساس ہو رہا ہے۔"

تاحال یہ واضح نہیں کہ نیسلے کا بھارتی یونٹ فوڈ سیفٹی محکمے کے حکام کے خلاف کوئی قانونی چارہ جوئی کرے گا یا نہیں۔

XS
SM
MD
LG