رسائی کے لنکس

logo-print

عراق جیل سے القاعدہ سے منسلک چار قیدی فرار


عراقی عہدے داروں نے کہا ہے کہ جمعرات کے روز بغداد کے شمال میں نامعلوم مسلح افراد نے ایک معروف سنی مذہبی راہنما کے گھر پر دھاوا بولا اور اس کا سرتن سے جد اکرنے کے بعد نعش کو نذر آتش کردیا۔

حکام کا کہنا ہے کہ جبار صالح الجبوری ایک میڈیکل کلینک چلاتے تھے جس میں مقامی القاعدہ مخالف ملیشیا کے زخمیوں کا علاج کیا جاتا تھا۔

صوبے دیالا کے شہر باقوبہ میں ہونے والے ایک اور حملے میں عورتوں کے لباس میں ملبوس چار افراد ایک پولیس اہل کار کے گھر داخل ہوئے، اور اسے گھر میں موجود نہ پاکر اس کی بیوی کا سرتن سے جدا کردیا۔

ایک اور خبر کے مطابق عراقی عہدے داروں نے کہا ہے کہ القاعدہ سے تعلق رکھنے والے چارقیدی بدھ کی رات بغداد کے ایک حراستی مرکز سے بھاگ نکلنے میں کامیاب ہوگئے۔

عہدے داروں کا کہنا ہے کہ یہ واضح نہیں ہے کہ وہ کارخ جیل خانے کے، جسے پہلے کیمپ کوپر کہاجاتا تھا، اس حصے سے کیسے نکل بھاگے جوامریکی کنٹرول میں ہے۔

امریکی عہدے داروں نے قیدیوں کے فرار کی تصدیق کرتے ہوئے کہا ہے کہ فوج ، عراقی فورسز کے ساتھ مل کر انہیں دوبارہ پکڑنے اور اس واقعہ کی تحقیقات پر کام کررہی ہے۔

XS
SM
MD
LG