جاپان میں منگل کو ہلاکت خیز زلزلے اور سونامی کی تیسری برسی منائی جا رہی ہے۔ 11 مارچ 2011ء کو آنے والے شدید زلزلے اور سونامی کے باعث تقریباً 18 ہزار سے زائد افراد ہلاک ہو گئے تھے۔ ریکٹر اسکیل پر اس کی شدت نو تھی۔ زلزلے سے ہلاک و متاثر ہونے والوں کی یاد میں ملک بھر میں تقریبات منعقد کی گئیں۔
جاپان: زلزلے اور سونامی کی تیسری برسی
5
زیر سمندر آنے والے شدید زلزلے نے سونامی کو جنم دیا جس سے ساحلی پٹی پر آباد بہت سے لوگ ہلاک ہوئے۔
6
حکومت کی طرف سے اربوں ڈالر کی امداد کے اعلان کے باوجود متاثرہ علاقوں تعمیر نو کا کام سست روی کا شکار ہے۔
7
دو لاکھ ستر ہزار سے زائد افراد اب بھی مستقل رہائشگاہوں میں منتقل نہیں ہو سکے جب کہ متعدد اب بھی پرہجوم اور عارضی گھروں میں مقیم ہیں۔
8
سونامی سے فوکوشیما کے جوہری پلانٹ کو بھی نقصان پہنچا جس سے بڑے پیمانے پر تابکاری کا اخراج بھی ہوا۔