نیٹو نے کہا ہے کہ افغان اور اتحادی افواج نے منگل کے روز جنوبی صوبہٴ ہلمند میں ایک مشترکہ گشت کے دوران تین علیحدہ کارروائیوں میں 23باغیوں کو ہلاک کیا۔
نیٹو کے ایک بیان میں کہا گیا ہے کہ مشترکہ گشت پر افواج نے پیر کو رات گئے چھوٹے اسلحےاورمشین گن فائر کےتبادلے کے بعد توپ خانے سے مدد کی درخواست کی۔
نیٹو نے اِس بات کی تصدیق کی ہےکہ اُن کی فوجیوں نے رات کے دوران مشرقی صوبہٴ خوست میں کارروائی کرتے ہوئے حقانی نیٹ ورک کےایک سب کمانڈر اور اُن کے دو معاونین کو پکڑ لیا۔
فوجیوں نے موقعے پر ایک پستول، ایک دستی بم اور کئی قسم کے کارتوس اور لدے ہوئے میگزین برآمد کرلیے۔
منگل کے روز مرکزی وردک صوبے میں ایک افغان اور اتحادی دستے نے مشترکہ کارروائی کرتے ہوئے صوبے میں تین ایسے باغیوں کو ہلاک کیا جو گھرو ساخت کے بم تیار کرنے اور تقسیم کرنے کے کام سے وابستہ تھے۔
مقبول ترین
1