رسائی کے لنکس

logo-print

ٹی وی میزبان کے تبصرے پر نیوزی لینڈ کی بھارت سے معافی


ٹی وی میزبان کے تبصرے پر نیوزی لینڈ کی بھارت سے معافی

نیوزی لینڈ نے ایک مقامی ٹی وی چینل کے میزبان کی طرف سے بھارتی عہدیدار کے بارے میں غیر مہذب الفاظ کے استعمال پر بھارت سے معافی مانگی ہے ۔ وزیر خارجہ Murray McCullay نے پال ہنری کے تبصرے کو ”بلاجواز اور توہین آمیز“ قرار دیا ہے۔

گذشتہ ہفتے نیوزی لینڈ کے سرکاری ٹی وی پر ، میزبان ہنری نے دہلی کی وزیراعلیٰ شیلا ڈکشت کے نام کی ادائیگی کچھ اس انداز میں کی کہ اس کے انگریزی زبان کے تحقیر آمیز الفاظ ہونے کا شبہ ہوا۔ اُنھوں نے کہا کہ نام بالکل ٹھیک تھا کیوں کہ ”ڈکشت بھارتی ہیں“۔

دہلی میں عہدیداروں نے ہنری کے تبصرے کو امتیازی قرار دیا اور بھارت میں نیوزی لینڈ کے ہائی کمشنر کو طلب کر کے احتجاج بھی کیا گیا۔ ہنری کو رواں ہفتے کے اوائل میں بغیر تنخواہ کے معطل کردیا گیا تھااور اس کی وجہ گورنر جنرل Anand Satyanand کے بارے میں اُن کا ایک الگ تبصرہ تھا۔

ڈکشت نے نئی دہلی میں ہونے والی کامن ویلتھ گیمز کے آغاز سے کچھ عرصہ قبل ہی یہ عہدہ سنبھالا تھا۔

XS
SM
MD
LG