رسائی کے لنکس

logo-print

جنوبی فلپائن میں اغواکاروں نے جولائی میں اغوا کی جانے والی فلپینی نژاد امریکی شہری کو رہا کردیا لیکن ان کا 14 سالہ بیٹا اور بھتیجا بدستور ان کے قبضے میں ہیں۔

فلپائن میں حکام کا کہنا ہے کہ جرفاییٹس لنزمن (Gerfa Yeatts Lunsmann) کو اتوار کی شب دیر گئے باسی لان جزیرہ میں رہا کیا گیا۔ یہ علاقہ اسلامی انتہا پسند گروپوں کا گڑھ مانا جاتا ہے جن میں القاعدہ سے منسلک بدنام زمانہ ابوسیاف گروپ بھی شامل ہے۔

تاحال یہ واضح نہیں ہوسکا ہے کہ اس رہائی کے لیے کوئی تاوان بھی ادا کیا گیا یا نہیں لیکن زمبوانگا شہر کے میئر سیلسو لوبرگاٹ نے صحافیوں کو بتایا کہ اغواکاروں سے رابطے ہوئے ہیں۔

امریکہ میں رہائش پذیر لنزمن اپنے آبائی شہر زمبوانگا میں اپنے رشتے داروں سے ملنے آئی تھی جب 12 جولائی کو اسے بیٹے اور بھتیجے سمیت اغوا کرلیا گیا تھا۔

منیلا میں امریکی سفارتخانے نے لنزمن کی رہائی میں مدد فراہم کرنے پر فلپائن کی حکومت کا شکریہ ادا کیا ہے۔

XS
SM
MD
LG