روس: طیارے کے حادثے میں دوافراد ہلاک

روسی عہدے داروں نے کہاہے کہ ماسکو کے ایک ایئرپورٹ پر طیارے کے حادثے میں دو افراد ہلاک ہوگئے ہیں۔

ہفتے کے روز ماسکو کے ونوکوو ایئرپورٹ پر ایک مسافر بردار طیارہ رن وے پر سے پھسلنے کے بعد باہر سڑک پر لڑھک کر ٹوٹ پھوٹ گیا۔

ہنگامی امور کی وزارت نے کہاہے کہ حادثے کے وقت طیارے پر عملے کے ارکان سمیت 12 افراد سوار تھے۔

فوری طور پر یہ واضح نہیں ہوسکا کہ حادثہ کیوں پیش آیا۔