رسائی کے لنکس

logo-print

جنوبی کوریا کی پہلی خاتون صدر نے عہدہ سنبھال لیا


جنوبی کوریا کی پہلی خاتون صدر پارک جیون ہائے

صدر پارک جیون ہائے نے خطاب میں کہا کہ شمالی کوریا کے حالیہ جوہری تجربے کو کوریا کے لوگوں کی ’’بقا اور مستقبل کے لیے ایک چیلنج‘‘ قرار دیا۔

جنوبی کوریا کی ملکی تاریخ میں پہلی بار خاتون صدر نے اپنے عہدے کا حلف اٹھا لیا ہے جو ایک متنازع سابق صدر کی بیٹی ہے.

پارک جیون ہائے نے جب 70 ہزار افراد کی موجودگی میں اپنے عہدے کا حلف لیا تو اُنھوں نے ہلکے سبز رنگ کا کوٹ پہن رکھا تھا۔

1948ء میں ملک کے قیام کے بعد سے وہ گیارویں منتخب صدر کے طور پر اپنے فرائض سر انجام دیں گی۔

اپنے افتتاحی خطاب میں صدر پارک جیون ہائے نے شمالی کوریا کے حالیہ جوہری تجربے کو کوریا کے لوگوں کی ’’بقا اور مستقبل کے لیے ایک چیلنج‘‘ قرار دیا۔

صدر پارک نے پیانگ یانگ کو متنبہ کیا کہ وہ ایسی کسی دھمکی کو برداشت نہیں کریں گی جس سے ان کے ملک کے عوام کی زندگیوں اور سلامتی کا خطرہ لاحق ہو۔

حلف برداری کی تقریب سے چند گھنٹے قبل ہی جنوبی کوریا کی فوج کو ’ہائی الرٹ‘ کر دیا گیا۔
XS
SM
MD
LG