رسائی کے لنکس

logo-print

ایران اور شام نے دونوں ملکوں کے درمیان تعلقات کے بارے میں امریکی خدشات کو مسترد کردیا


ایرانی صدر محمود احمدی نژاد اور ان کے شامی ہم منصب بشار الاسد نے دونوں ملکوں کے درمیان تعلقات کے بارے میں امریکی خدشات کو مسترد کرتے ہوئے کہا ہے کہ وہ دونوں ملکوں کے درمیان تعلقات مسلسل مضبوط بناتے رہیں گے۔

ایرانی راہنما شامی صدر کے علاوہ حزب اللہ اور حماس کے ارکان کے ساتھ مزاکرات کے لیے جمعرات کے روز دمشق پہنچے۔

اس ملاقات سے ایک روز پہلے امریکی وزیر خارجہ ہلری کلنٹن نے شا م سے کہا تھاکہ وہ خود کو ایران سے دور رکھے ۔

امریکہ دمشق کے ساتھ تعلقات بہتر بنانے کی کوشش کر رہاہے ۔ اور اس نے 2005 کے بعد سے پہلی بار شام کےلیے ایک نیا سفیرمقرر کر دیا ہے ۔ جبکہ وہ ایران پر اس کے جوہری پروگرام کےسلسلے میں دباؤ میں اضافہ کر رہا ہے ۔

صدر احمدی نژاد نے کہا ہے کہ امریکہ کو علاقے میں اپنی کوششیں ترک کر دینی چاہئیں اور انہوں نےکہا کہ وہ امریکہ کے اثر رسوخ اور اسرائیل کے بغیر ایک نئے مشرق وسطیٰ کا تصور رکھتے ہیں



XS
SM
MD
LG