شام کے شہر حمص سے محصور افراد کا انخلا جاری ہے اور گزشتہ جمعرات سے لگ بھگ آٹھ سو افراد نکل چکے ہیں۔ اقوام متحدہ نے کہا ہے کہ شام کی حکومت اور حزب مخالف نے لڑائی سے تباہ حال محصور شہر حمص میں انسانی ہمدردی کی بنیاد پر جنگ بندی میں مزید تین روز کی توسیع پر اتفاق کیا ہے۔ یہ پیش رفت ایسے وقت ہوئی ہے جب جنیوا میں پیر کو شام کی حکومت اور حزب مخالف کے نمائندوں کے درمیان امن بات چیت کا دوسرا دور شروع ہوا۔ اقوام متحدہ اور عرب لیگ کے خصوصی مندوب لخدار براہیمی نے فریقین سے علیحدہ علیحدہ ملاقاتیں بھی کیں۔ ان ملاقاتوں کے ایجنڈے میں شام میں ممکنہ طور پر عبوری حکومت کا قیام اور محصور علاقوں میں انسانی ہمدردی کی بنیاد پر امدادی کارکنوں کی رسائی بھی شامل ہے۔
شام کے شہر حمص سے محصور افراد کا انخلا
5
اقوام متحدہ کا کہنا ہے کہ 2012ء کے وسط سے اب تک حمص میں فوجی محاصرے کے باعث 2500 افراد پھنسے ہوئے تھے۔
6
ہلالِ احمر اقوام متحدہ کے ساتھ مل کر شہریوں کو خوراک، پانی اور ادویات پہنچا رہا ہے۔
7
اقوام متحدہ اور شام کی ہلالِ احمر تنظیم کے کارکن حمص کے شہریوں کو مدد فراہم کر رہے ہیں۔
8
حکومتِ شام کی طرف سے ایک سال سے جاری محاصرے کے نتیجے میں، حمص میں خوراک کی کمی کی صورتِ حال شدت اختیار کر گئی ہے۔