رسائی کے لنکس

logo-print

واشنگٹن کے سب وے نظام پر حملے کی سازش کے الزام میں پاکستانی امیریکن گرفتار


واشنگٹن کے سب وے نظام پر حملے کی سازش کے الزام میں پاکستانی امیریکن گرفتار

بدھ کے روز ایک پاکستانی نژاد امریکی کو گرفتارکیا گیا جِس پرواشنگٹن ڈی سی کے سب وے اسٹیشنوں پرحملے کی سازش تیار کرنےاور ایسے افراد کے ساتھ اطلاعات کا تبادلہ کرنےکا الزام ہے جِن کے متعلق خیال کیا جاتا ہے کہ اُن کا تعلق القاعدہ سے ہے۔

امریکی محکمہٴ انصاف کے عہدے داروں کا کہنا ہے کہ 34برس کے فاروق احمد دارالحکومت کے سب وے اسٹیشنوں کی تصاویر لیتے رہے ہیں اور بیک وقت کئی بم حملوں کی منصوبہ بندی کر رہے تھے۔ اُن کا کہنا ہے کہ اُنھوں نے اپریل سے اِن مقامات کا پتا لگانا شروع کیااور وفاقی تفتیش کاراُن کی حرکات پر نظر رکھے ہوئے تھے۔

معاون اٹارنی جنرل برائے نیشنل سکیورٹی ڈیوڈ کِرس کا کہنا ہے کہ اِس معاملے سے دہشت گرد خطرات پر مستقل نگاہ رکھنے کی ضرورت کی نشاندہی ہوتی ہے۔

فاروق احمد پر تین الزامات میں فردِ جرم عائد کی گئی ہے جِس میں ایک دہشت گرد تنظیم کو مادی مدد فراہم کرنے کی کوشش کرنےااور ایک ٹرانسپورٹ نظام پر دہشت گرد حملہ کرنے کی منصوبہ بندی کرنا شامل ہے۔

سزا کی صورت میں اُنھیں 50برس تک سزائے قید ہوسکتی ہے۔

XS
SM
MD
LG