رسائی کے لنکس

logo-print

سابق امریکی افسر کی افغانستان پر کتاب کی ہزاروں کاپیاں ضائع


امریکی محکمہ دفاع نے ایک ناشر کو پیسے ادا کر کے امریکی فوج کے ایک سابق انٹیلی جنس افسر کی تصنیف کردہ اُس کتاب کی دس ہزار کاپیاں ضائع کر وا دی ہیں جس میں اُس نے افغانستان میں تعیناتی کے دوران اپنے مشاہدات اور تجربات کا احوال پیش کیا تھا۔

محکمہ دفاع کے ترجمان کے مطابق ”آپریشن ڈارک ہارٹ“ کے نام سے مرتب ہونے والی اس کتاب میں بعض خفیہ معلومات کا ذکر کیا گیا ہے جن کے منظر عام پر آنے سے امریکہ کی سلامتی کو خطرات لاحق ہوسکتے ہیں۔

ابتدا میں امریکی فوجی حکام نے یہ کتاب شائع کرنے کی اجازت دے دی تھی لیکن بعد میں یہ فیصلہ واپس لے لیا گیا۔ اب یہ کتاب ترمیم کے بعد منظر عام پر لائی جائے گی۔

XS
SM
MD
LG