امریکہ کے صدر براک اوباما بھارت کے تاریخی دورے پر اتوار کی صبح نئی دہلی پہنچے تھے۔ نئی دہلی کے ہوائی اڈے پر بھارت کے وزیراعظم نریندر مودی نے مہمان صدر اور خاتون اول مشیل اوباما کا استقبال کیا۔ امریکی صدر کے دورہ بھارت کے موقع پر سکیورٹی کے انتہائی سخت انتظامات کیے گئے۔ نئی دہلی میں پولیس اور فوج کے تقریباً پچاس ہزار اہلکاروں کی نفری تعینات کی گئی ہے جب کہ پندرہ ہزار سکیورٹی کیمرے نصب کر کے پورے شہر کی نقل و حرکت پر نظر رکھی جا رہی ہے۔
امریکہ کے صدر براک اوباما بھارت کے تاریخی دورے پر
1
صدر اوباما مہاتما گاندھی کی یادگار پر پھولوں کی چادر چڑھا رہے ہیں۔
2
بھارتی وزیراعظم نریندر مودی نے روایت سے ہٹ کر خود ہوائی اڈے پر امریکی صدر کا استقبال کیا۔
3
صدارتی محل پہنچنے پر امریکی صدر مخصوص ہندوستانی انداز میں سلام یعنی 'نمستے' کر رہے ہیں۔
4
صدر براک اوباما کو صدارتی محل آمد پر گارڈ آف آنر پیش کیا گیا۔