امریکی کانگریس کی عمارت پر صدر ڈونلڈ ٹرمپ کے حامیوں کے حملے کے بعد ڈیموکریٹک پارٹی نے ایوانِ نمائندگان میں صدر کے مواخذے کی قرارداد پیش کر دی ہے؛ امریکہ کی سیکریٹ سروس اور نیشنل گارڈز نے نو منتخب صدر جو بائیڈن کی تقریبِ حلف برداری کو ہر طرح سے محفوظ بنانے کے لیے وسائل میں اضافے کا اعادہ کیا ہے؛ دنیا بھر میں کرونا وائرس کے مصدقہ کیسز کی تعداد نو کروڑ سے بڑھ گئی ہے جب کہ برطانیہ اور جنوبی افریقہ میں سر اُٹھانے والی کرونا کی نئی قسم کا مقابلہ کرنے کے لیے کوششیں کی جا رہی ہیں۔