رسائی کے لنکس

logo-print

امریکہ کے لیے جاسوسی کے الزام میں افغان باشندہ قتل


امریکہ کے لیے جاسوسی کے الزام میں افغان باشندہ قتل

پاکستان کے قبائلی علاقے شمالی وزیرستان میں مشتبہ عسکریت پسندوں نے امریکہ کے لیے جاسوسی کے الزام میں ایک افغان مہاجر کو ہلاک کردیا۔

مقامی انٹیلی جنس حکام کے مطابق اس شخص کی گولیوں سے چھلنی لاش منگل کی شب دتہ خیل کے علاقے میں ایک سڑک کے کنارے سے ملی۔ لاش کے قریب سے افغانستان کے ایک بینک کا اے ٹی ایم کارڈ اور ایک رقعہ بھی ملا جس پر تحریر تھا کہ یہ شخص امریکہ کے لیے جاسوسی کرتے ہوئے پکڑا گیا۔

مشتبہ عسکریت پسند اس سے قبل بھی قبائلی علاقوں میں متعدد بار لوگوں کو امریکہ کے لیے جاسوسی کے الزام میں ہلاک کرچکے ہیں۔

XS
SM
MD
LG