جان کیری کی پاکستان میں مصروفیات
امریکی وزیرخارجہ جان کیری پیر کو پاکستان کے دورے پر اسلام آباد پہنچے تھے۔
اسلام آباد آمد کے بعد وزیر خارجہ جان کیری نے وزیراعظم نواز شریف سے بھی ملاقات کی۔
جان کیری نے سرتاج عزیز سے بھی ملاقات کی جس میں دونوں ملکوں کے درمیان طویل المدت شراکت داری کے اسٹریٹیجک مذاکرات کے تحت مختلف امور پر بات چیت کی گئی۔
جان کیری نے پاکستان اور امریکہ کے درمیان اسٹریٹیجک مذاکرات میں بھی شرکت کی۔
امریکی وزیرِ خارجہ جان کیری کا کہنا تھا کہ پاکستان کا خطے کی سلامتی میں نہایت اہم کردار ہے اور امریکا پاکستان کے ساتھ تمام شعبوں میں تعاون جاری رکھے گا۔
وزیراعظم نواز شریف نے کہا کہ امریکہ پاکستان کی خارجہ پالیسی کا اہم جز ہے۔
وزیراعظم کے مشیر برائے قومی سلامتی اور خارجہ امور سرتاج عزیز اور وزیرِ خارجہ جان کیری مشترکہ پریس کانفرس کر رہے ہیں۔
امریکی وزیرِ خارجہ جان کیری نے راولپنڈی میں پاکستانی فوج کے سربراہ جنرل راحیل شریف سے جنرل ہیڈ کوارٹر میں ملاقات کی۔
آئی ایس پی آر کے مطابق جان کیری نے دہشت گردی کی جنگ میں ہلاک ہونے والے پاکستانی فوجیوں کو خراجِ عقیدت پیش کیا۔