عراق میں پولیس کا کہنا ہے کہ مسلح افراد نے فلوجہ شہر کے نواحی گاؤں میں جمعرات کے روز حکومتی حمایت کے حامی سنی لشکر کے ایک رکن کو اس کے اہل خانہ سمیت ہلاک کر دیا ہے۔
حکام کے مطابق حملے میں لشکر کے رکن، ان کی بیوی، دو بیٹیوں اور ایک بیٹے کو اس وقت فائرنگ کرکے قتل کر دیاگیا جب یہ لوگ اپنے گھر کے باغیچے میں سو رہے تھے۔ اس حملے میں ایک لڑکا زخمی بھی ہوا۔
پولیس نے القاعدہ کو اس حملے کا ذمہ دار ٹھہرایا ہے۔
