امریکہ کے شہر نیو یارک کے گراؤنڈ زیرو پر ہفتے کو گیارہ ستمبر کے حملوں کی بیسویں برسی پر صدر جو بائیڈن اور سابق صدور، براک اوباما اور بل کلنٹن نے ہلاک ہونے والوں کے اہلِ خانہ اور رضا کاروں کے ساتھ مل کر ستمبر الیون میموریل پلازہ پر تقریب میں شرکت کی۔ ستمبر الیون میموریل پلازہ اسی جگہ قائم ہے جہاں ورلڈ ٹریڈ سینٹر کے ٹاور موجود تھے جو 11 ستمبر 2001 کے روز دہشت گرد حملوں میں تباہ ہو گئے تھے۔ ان حملوں میں لگ بھگ تین ہزار افراد ہلاک ہوئے تھے۔ خبر رساں ادارے ’ایسوسی ایٹڈ پریس‘ کے مطابق ان حملوں کی بیسیوں برسی ایسے موقع پر آئی ہے جب امریکہ کرونا وائرس کی وبا سے نبرد آزما ہے اور افغانستان سے امریکہ کا انخلا مکمل ہونے کے بعد طالبان کی حکومت دوبارہ آ چکی ہے۔
گیارہ ستمبر 2001 کے حملوں کے 20 برس مکمل
5
امریکہ کی نائب صدر کملا ہیرس نے فلائٹ 93 کے ہلاک شدگان کی یاد میں ہونے والی تقریب سے خطاب کیا۔
6
گیارہ ستمبر 2001 کے میموریل پر لوگوں نے امریکہ کے پرچم اور پھول بھی رکھے تھے۔
7
تقاریب میں صدر جو بائیڈن، سابق صدور بل کلنٹن اور براک اوبامہ سمیت کئی اہم شخصیات شریک تھیں۔
8
امریکہ میں جس وقت حملے ہوئے اس وقت جارج بش صدر تھے۔ انہوں نے بھی فلائٹ 93 کے ہلاک شدگان کی یاد میں ہونے والی تقریب سے خطاب کیا۔