اٹلی: کرونا وائرس سے 29 ہلاکتیں، مریضوں کی تعداد 1100 سے بڑھ گئی
اٹلی کے عہدے داروں کا کہنا ہے کہ اس وقت ملک میں کرونا وائرس کے 1000 سے زیادہ مریض موجود ہیں اور اس وائرس سے متاثرہ 29 افراد ہلاک ہو چکے ہیں۔ اٹلی کے شہری تحفظ کے ادارے کے سربراہ نے ایک نیوز کانفرنس میں بتایا کہ ہفتے کے روز اس وائرس کے مریضوں کی کل تعداد 1128 تک پہنچ گئی۔ عہدے داروں نے گزشتہ چوبیس گھنٹوں میں مزید 8 مریضوں کی ہلاکت کی خبر دی ہے۔
امریکہ میں کرونا وائرس کی شکار پہلی خاتون ہلاک
امریکہ کی ریاست واشنگٹن میں صحت عامہ کے اہل کاروں نے اطلاع دی ہے کہ ہفتے کو امریکہ میں کرونا وائرس کی پہلی مریض ہلاک ہو گئی ہیں۔
ادھر کرونا وائرس کے نئے کیسز سامنے آنے کے بعد، امریکہ نے ایران کے سفر پر پابندی کا اعلان کیا ہے اور ساتھ ہی اٹلی اور جنوبی کوریا کے کچھ علاقوں کے سفر سے متعلق انتباہ جاری کیا ہے۔
نئی پابندیوں کا اعلان امریکی نائب صدر مائیک پینس نے کیا کہ امریکہ میں 22 افراد نئے کرونا وائرس کا شکار ہوئے ہیں، جب کہ مزید کیسز سامنے آسکتے ہیں۔
کرونا وائرس کے پھیلاؤ کا خطرہ بہت زیادہ بڑھ گیا: عالمی ادارہ صحت
کرونا وائرس انٹارکٹکا کے علاوہ دنیا کے تمام برّ اعظموں تک پہنچ چکا ہے۔ وائرس کے تیزی سے پھیلاؤ کے باعث مختلف ممالک کی حکومتوں کو مشکلات کا سامنا ہے۔ کئی ممالک اپنے شہریوں کو بیرونِ ملک سفر کرنے اور عوامی مقامات پر جانے سے روک رہے ہیں۔
'افراتفری میں اضافہ ہو گیا، ہر بندہ ماسک مانگ رہا ہے'
پاکستان میں کرونا وائرس آتے ہی اس سے بچاؤ کی تیاریاں کی جا رہی ہیں۔ لیکن دوسری جانب کراچی سمیت ملک بھر میں ماسک نایاب ہو گئے ہیں۔ ماسک کی قلت کیسے ہوئی، قیمت میں کئی گنا اضافہ کیوں ہوا اور کیا ماسک اس وائرس سے بچاؤ کا واحد ذریعہ ہیں؟ جانیے سدرہ ڈار کی اس ڈیجیٹل رپورٹ میں
