کرونا وائرس ٹیسٹ کس طرح ہوتا ہے؟
دنیا بھر میں ان دنوں کرونا وائرس کے متاثرین کے ٹیسٹ کیے جا رہے ہیں۔ اس ٹیسٹ سے مرض ہونے کی تصدیق کی جاتی ہے۔ یہ ٹیسٹ کس طرح ہوتے ہیں، تصویروں کی زبانی ملاحظہ کیجیے۔
بیرونِ ملک محصور پاکستانیوں کی وطن واپسی سے متعلق شاہ محمود قریشی کی زیرِ صدارت اجلاس
کرونا وائرس جنگِ عظیم دوم کے بعد بدترین انسانی بحران ہے: اقوامِ متحدہ
اقوامِ متحدہ کے سربراہ انتونیو گوتریس نے کرونا وائرس کے تیزی سے پھیلاؤ پر تشویش ظاہر کرتے ہوئے کہا ہے کہ کرونا وائرس جنگِ عظیم دوم کے بعد انسانیت کے لیے بدترین بحران بن کر سامنے آیا ہے۔
فرانسیسی خبر رساں ادارے 'اے ایف پی' کے مطابق اقوامِ متحدہ کے جنرل سیکریٹری انتونیو گوتریس نے منگل کو جاری کیے گئے اپنے ایک بیان میں کہا کہ کرونا وائرس کی وجہ سے پیدا ہونے والا معاشی اور سیاسی عدم استحکام دنیا میں امن کے لیے خطرہ بن گیا ہے۔
انہوں نے کہا کہ اس وبا سے دنیا میں ہر شخص کو خطرات لاحق ہیں۔ کرونا وائرس کے معاشی نقصانات کے طور پر دنیا میں کساد بازاری کی ایسی صورتِ حال پیدا ہوگی جس کی ماضی قریب میں کوئی مثال نہیں ملتی۔
انتونیو گوتریس کا کہنا تھا کہ کرونا وائرس کے باعث پیدا ہونے والی مشکلات سے ممکنہ طور پر دنیا میں عدم استحکام پیدا ہو گا اور تنازعات بڑھیں گے۔ اس لیے یہ جنگ عظیم دوم کے بعد سے اب تک کا سب سے مشکل بحران ہے۔
