نیپال میں لاک ڈاؤن کی خلاف ورزی کرنے والے پنجرے میں بند
نیپال کے دارالحکومت کھٹمنڈو میں لاک ڈاؤن کی خلاف ورزی کرنے والے کچھ افراد کو انتظامیہ نے جیل نما پنجرے میں بند کیا ہوا ہے۔ نیپال میں کرونا وائرس کے پیشِ نظر گزشتہ آٹھ روز سے لاک ڈاؤن ہے جس کی خلاف ورزی کے مرتکب افراد کو مختلف سزائیں دی جا رہی ہیں۔
راولپنڈی میں لاک ڈاؤن پر عمل در آمد جاری
ملک کے دیگر شہروں کی طرح وفاقی دارالحکومت اسلام آباد کے جڑواں شہر راولپنڈی میں بھی لاک ڈاؤن پر عمل در آمد جاری ہے۔
لاک ڈاؤن میں دکانیں اور بازار بند ہیں البتہ کہیں کہیں کوئی شخص فیس ماسک فروخت کرتے نظر آتا ہے۔
پولیس کی جانب سے مختلف مقامات پر ناکے لگائے گئے ہیں تاکہ لاک ڈاؤن پر عمل در آمد کروایا جا سکے۔
- By نوید نسیم
پاکستان میں سڑکوں پر حفاظتی ماسک فروخت
لاہور کی مختلف سڑکوں پر کئی افراد حفاظتی ماسک فروخت کر رہے ہیں۔ ماسک کی قیمت 30 روپے سے 150 کے درمیان ہے۔ خیال رہے کہ کرونا وائرس کے باعث پاکستان بھر میں ماسک کی قلت ہے۔ سڑکوں پر فروخت ہونے والے یہ ماسک مقامی طور پر تیار کردہ ہیں۔
کرونا کے سبب ٹرینیں بند، بوگیاں آئسولیشن وارڈز میں تبدیل
پاکستان ریلوے نے کرونا وائرس کے مریضوں کے لیے ٹرین کی بوگیوں کو آئسولیشن وارڈز میں بدل دیا ہے۔ انتظامیہ کا کہنا ہے کہ 'کووڈ 19' کے مریضوں کی تعداد بڑھنے پر مزید بوگیوں کو بھی اسی استعمال میں لائیں گے۔ ان ٹرینوں میں سہولیات کیا ہیں اور کیا یہ اسپتال کا متبادل ہو سکتی ہیں؟ دیکھیے محمد ثاقب کی رپورٹ۔
