- By شمیم شاہد
خیبرپختونخوا کے ہیلتھ ڈائریکٹوریٹ کے ملازمین کے لیے کرونا ٹیسٹ لازمی قرار
خیبرپختونخوا کی حکومت نے محکمہ صحت کے تمام افسران اور اہلکاروں کے لیے کرونا وائرس کے ٹیسٹ کو لازمی قرار دیا ہے۔ ڈائریکٹوریٹ آف جنرل ہیلتھ سروسز نے ٹیسٹ لازمی قرار دینے کا حکم نامہ جاری کر دیا ہے۔
حکم نامے کے مطابق ٹیسٹ نہ کرانے والے ملازمین کی تنخواہیں روک دی جائیں گی۔
ڈائریکٹوریٹ آف جنرل ہیلتھ سروسز کے حکم نامے کے مطابق محکمہ صحت کے تمام ملازمین فوری طور پر کرونا ٹیسٹ کرائیں۔ جن ملازمین نے ٹیسٹ کرائے ہیں وہ اس کا رزلٹ متعلقہ ڈائریکٹر ایڈمن کے پاس جمع کرائیں۔
حکم نامے میں کہا گیا ہے کہ اگر کسی ملازم نے کرونا ٹیسٹ نہیں کرایا تو اُس کی حاضری نہیں لگے گی اور ٹیسٹ نہ کرانے والے ملازمین کی تنخواہیں بھی روک دی جائیں گی۔
دوسری جانب ڈاکٹروں کی تنظیم پرونشل ڈاکٹرز ایسوسی ایشن (پی ڈی اے) کے عہدیداروں کا کہنا ہے کہ قرنطینہ مراکز پر بھی فرائض سر انجام دینے والے تمام ملازمین کے ٹیسٹ لازمی کرائے جائیں۔
کئی ممالک میں مختلف اشیا کی طلب میں اضافہ
دنیا بھر میں مختلف ممالک میں کرونا وائرس کے بعد مختلف اشیا کی طلب میں اضافہ ہوا۔ امریکہ میں ٹوائلٹ پیپر کی طلب بڑھ گئی تو میکسیکو میں ‘کرونا بئیر’ کی۔
کرونا وبا نے پڑوسیوں کے درمیان قربت بڑھا دی
کرونا وائرس کی احتیاطی تدابیر میں سماجی دوری شرط اول ہے مگر یہی پابندی پڑوسیوں کو قریب لانے کا باعث بن رہی ہے۔ ہمسائے دلچسپ سرگرمیوں میں حصہ لے کر اِس مشکل وقت میں ایک دوسرے کا ساتھ دے رہے ہیں۔ امریکی ریاست کیلی فورنیا کی ایک برادری ایک دوسرے کا ساتھ کیسے دیے رہے ہیں؟ دیکھئے اس ویڈیو میں
اٹلی: اب پیزا پھر سے دستیاب ہے
اٹلی میں روایتی پیزا ہاؤس کھل گئے۔ نیپلز کے پیزا ہاؤسز کو پیزا ڈلیوری کی اجازت مل گئی۔ مالکان کا کہنا ہے کہ اس سے مقامی معیشت بحال ہو گی۔