19:40
6.7.2020
قطر میں کرونا کیسز ایک لاکھ سے متجاوز
قطر میں گزشتہ 24 گھنٹوں کے دوران کرونا وائرس کے مزید 546 کیسز رپورٹ ہوئے ہیں جس کے بعد ملک میں 'کووڈ 19' کے مریضوں کی مجموعی تعداد ایک لاکھ سے زائد ہو گئی ہے۔
گزشتہ 24 گھنٹوں کے دوران قطر میں کرونا سے پانچ اموات بھی ہوئی ہیں۔
19:36
6.7.2020
سنگاپور میں چڑیا گھر بھی کھل گئے
19:34
6.7.2020
اسرائیل میں کرونا کیسز میں اضافہ، نائٹ کلب، شراب خانے اور جمنازیم دوبارہ بند
اسرائیل میں کرونا وائرس کے کیسز میں تیزی سے اضافے کے بعد حکومت نے دوبارہ مختلف پابندیاں عائد کر دی ہیں۔ حکومت نے شراب خانوں، نائٹ کلبز، جمنازیم اور ایونٹ ہالز فوری طور پر بند کر دیے ہیں۔
اسرائیل کے وزیرِ اعظم نیتن یاہو نے کہا ہے کہ کرونا وائرس کے اس بحران میں اسرائیل کو دوبارہ پابندیاں عائد کرنا ہوں گی تاکہ بڑے پیمانے پر لاک ڈاؤن سے بچا جا سکے۔
19:29
6.7.2020