فلسطین: ماسک اور سماجی فاصلے کی احتیاط کے ساتھ کھیتوں میں کام
وائٹ ہاؤس کا امریکہ بھر میں ماسک پہننے کی پابندی عائد کرنے سے پھر انکار
وائٹ ہاؤس کے حکام نے کرونا وائرس کا پھیلاؤ روکنے کے لیے امریکہ بھر میں ماسک پہننے کی پابندی عائد کرنے سے پھر انکار کر دیا ہے۔ وائٹ ہاؤس کے چیف آف اسٹاف مارک میڈوس نے کہا ہے کہ صدر ٹرمپ اس معاملے کو ریاست کی سطح پر دیکھتے ہیں۔
انہوں نے کہا کہ ملک بھر میں ماسک پہننے کی پابندی عائد کرنے کی ابھی ضرورت نہیں۔ ہم اپنی ریاستوں کے گورنرز اور شہروں کے میئرز کو یہ اختیار دے چکے ہیں کہ وہ چاہیں تو اپنی حدود کے اندر یہ پابندی نافذ کر سکتے ہیں۔
سری لنکا کے اسکولوں میں تین ماہ بعد تدریسی عمل شروع
اسرائیل میں کرونا کیسز میں اضافہ، نائٹ کلب، شراب خانے اور جمنازیم دوبارہ بند
اسرائیل میں کرونا وائرس کے کیسز میں تیزی سے اضافے کے بعد حکومت نے دوبارہ مختلف پابندیاں عائد کر دی ہیں۔ حکومت نے شراب خانوں، نائٹ کلبز، جمنازیم اور ایونٹ ہالز فوری طور پر بند کر دیے ہیں۔
اسرائیل کے وزیرِ اعظم نیتن یاہو نے کہا ہے کہ کرونا وائرس کے اس بحران میں اسرائیل کو دوبارہ پابندیاں عائد کرنا ہوں گی تاکہ بڑے پیمانے پر لاک ڈاؤن سے بچا جا سکے۔