پی ایس ایل تو مکمل نہ ہوسکا، بھارت آئی پی ایل کے کامیاب انعقاد کے لیے پر امید کیوں؟
کرونا وائرس کی وجہ سے پاکستان سپر لیگ کے چھٹے ایڈیشن کو حال ہی میں ملتوی کرنا پڑا۔ لیکن اب بھارتی کرکٹ بورڈ انڈین پریمیئر لیگ (آئی پی ایل) کے کامیاب انعقاد کے لیے پرامید ہے۔
بورڑ آف کنٹرول فار کرکٹ اِن انڈیا (بی سی سی آئی) نے اتوار کو آئی پی ایل 2021 کے شیڈول کا اعلان کیا ہے جس کے مطابق ایونٹ کا باقاعدہ آغاز 9 اپریل کو ہو گا اور فائنل احمد آباد کے نریندر مودی اسٹیڈیم میں 30 مئی کو کھیلا جائے گا۔
آئی پی ایل کو دنیا کی سب سے بڑی کرکٹ لیگ کا درجہ حاصل ہے جس میں مختلف ملکوں کے کئی نامور کھلاڑی حصہ لیتے رہے ہیں۔
اس بار بھی کئی بڑے نام لیگ کا حصہ ہیں لیکن کرونا وائرس کی وجہ سے جہاں ایک جانب پاکستان کی مقامی لیگ متاثر ہوئی وہیں بھارت میں آئندہ ماہ شیڈول آئی پی ایل کے انعقاد اور اس کے مستقبل کے بارے میں کرکٹ کے حلقوں میں چہ مگوئیاں ہو رہی ہیں۔
بیس فروری سے شروع ہونے والی پی ایس ایل کے محض 14 میچز ہی کھیلے گئے تھے کہ غیر ملکیوں سمیت لیگ میں شامل سات افراد کرونا کا شکار ہوئے۔ کیسز میں اضافے کو دیکھتے ہوئے پاکستان کرکٹ بورڈ نے چار مارچ کو ایونٹ ملتوی کرنے کا اعلان کیا۔
کیا کرونا ویکسین کی تقسیم چین کی اثر و رسوخ بڑھانے کی کوشش ہے؟
چین اور بھارت سمیت دنیا میں کرونا ویکسین تیار کرنے والے کچھ ممالک ویکسین کو سفارت کاری کے ذریعے کے طور پر بھی استعمال کر رہے ہیں۔ چین کی بلکان ممالک میں ویکسین تقسیم کرنے کی کوششیں تیز کرنے پر کچھ ماہرین کا کہنا ہے کہ یہ خطے میں چین کے اثر و رسوخ کو بڑھانے کی کوشش ہے۔ مزید جانیے اس رپورٹ میں۔
امریکہ: سینیٹ کے منظور کردہ 19 کھرب ڈالر کے کرونا ریلیف بل میں کیا ہے؟
مریکی سینیٹ نے صدر جو بائیڈن کے تجویز کردہ 19 کھرب ڈالرز کے کرونا ریلیف بل کی منظوری دے دی ہے۔ یہ رقم کرونا وبا اور امریکیوں کو درپیش مشکلات سے نمٹنے کے لیے خرچ کی جائے گی۔ ری پبلکن پارٹی نے اس بل کی مخالفت کی ہے۔
ہفتے کو کئی گھنٹوں کی بحث کے بعد سو رُکنی سینیٹ نے 49 کے مقابلے میں 50 ووٹوں سے بل کی منظوری دی۔ ایوانِ نمائندگان پہلے ہی اس بل کی منظوری دے چکا ہے۔
البتہ، سینیٹ نے بل میں کئی تبدیلیاں تجویز کی ہیں۔ جس کے لیے یہ بل دوبارہ ایوانِ نمائندگان میں بھجوایا جائے گا جہاں آئندہ ہفتے اس پر ووٹنگ ہو گی۔
ووٹنگ کے بعد صدر بائیڈن اس بل پر دستخط کریں گے جس کے بعد یہ قانون بن جائے گا۔