امریکہ کی جنوبی ریاست مسی سپی میں طوفانی بگولوں کے سبب ہونے والی تباہی سے اب تک 26 افراد ہلاک اور متعدد زخمی ہو چکے ہیں۔ طوفانی بگولوں کی وجہ سے کئی عمارتوں کو نقصان پہنچا جب کہ بجلی کی فراہمی بھی معطل ہے۔ حکام کے مطابق طوفانی ہواؤں کی رفتار 70 میل فی گھنٹہ تھی۔ محکمۂ موسمیات کا کہنا ہے کہ طوفانی بگولوں کے نتیجے میں ریاست مسی سپی کے شہر جیکسن کے شمال مشرق میں لگ بھگ 96 کلومیٹر کے رقبے کو نقصان پہنچا۔
