بھارت: آکسیجن کی کمی پوری کرنے کی کوششیں

بھارت میں کرونا وائرس کی دوسری لہر میں ایک جانب یومیہ کیسز میں مستقل اضافہ ہوتا جا رہا ہے جب کہ دوسری جانب صحت کے نظام پر دباؤ کے باعث اموات میں بھی اضافہ ہو رہا ہے۔ بھارت کے اسپتالوں میں بیڈز کی کمی ہے جب کہ آکسیجن کی بھی قلت کا سامنا ہے۔ کئی مقامات پر آکسیجن بلیک میں فروخت ہونے کی بھی رپورٹس سامنے آئی ہیں۔ مرکزی اور مقامی حکومت کی جانب سے آکسیجن کی فراہمی میں تعطل دور کرنے کی کوشش کی جا رہی ہے۔ مختلف ممالک نے بھی بھارت کو آکسیجن بطور عطیہ دی ہے۔