پشتون تحفّظ تحریک (پی ٹی ایم) کے سربراہ منظور پشتین کی گرفتاری کے خلاف ان کی جماعت کے کارکنوں نے پاکستان کے کئی شہروں میں مظاہرے کیے۔ مظاہرین کا مطالبہ تھا کہ منظور پشتین کو فوری رہا کیا جائے۔ تاہم اس دوران اسلام آباد پولیس نے پی ٹی ایم کے رہنما محسن داوڑ کو بھی گرفتار کر لیا ہے۔
منظور پشتین کی گرفتاری کے خلاف کئی شہروں میں مظاہرے
5
منظور پشتین کو قانون نافذ کرنے والے اداروں کے اہلکاروں نے اتوار اور پیر کی درمیان شب حراست میں لیا تھا۔ ان کے خلاف ڈیرہ اسماعیل خان کے ایک تھانے میں 21 جنوری کو ایک مقدمہ درج کیا گیا تھا۔
6
منظور پشتین پر ریاست کے خلاف ہرزہ سرائی کا الزام ہے۔
7
منگل کو پشاور کے ڈسٹرکٹ اینڈ سیشن جج کی عدالت نے منظور پشتین کی طرف سے دائر کردہ راہداری کی درخواستِ ضمانت خارج کر دی اور اُنہیں پشاور سے ڈی آئی خان منتقل کرنے کا حکم دے دیا ہے۔
8
عدالت نے قرار دیا کہ ملزم کے خلاف ڈی آئی خان میں مقدمہ درج ہوا تھا اور اسے وہیں کیس کا سامنا کرنا چاہیے۔
