ترکی کے جنوب میں واقع ساحلی علاقے کے جنگلات میں بدھ کو اچانک آگ لگنے سے اب تک تین افراد ہلاک اور 100 سے زیادہ زخمی ہونے کی اطلاعات ہیں۔ آگ ترک شہر انطالیہ سے 75 کلو میٹر دور واقع مانوگیٹ کے سیاحتی مقام پر لگی جس کے ارد گرد جنگلات اور سیاحوں کے ٹھہرنے کے لیے ہوٹلز ہیں۔ آگ اس قدر خوف ناک تھی کہ اس کے راستے میں آنے والی ہر چیز جل کر راکھ بن گئی۔ آگ سے درجنوں جنگلی حیات ہلاک اور کئی گھروں کو نقصان پہنچا ہے۔ متاثرہ علاقے میں موجود درجنوں دیہات کے مکین جان بچا کر محفوظ مقامات پر منتقل ہو گئے ہیں۔
ترکی کے جنگلات میں خوف ناک آگ
5
آگ پر قابو پانے اور ریسکیو کے کاموں کے لیے ہیلی کاپٹروں کی مدد بھی حاصل ہے۔
6
آگ کے نتیجے میں پیدا ہونے والے دھویں نے فضا کو تبدیل کر دیا۔
7
آگ مسلسل پھیل رہی ہے جس کے نتیجے میں درجنوں دیہات خالی کرا لیے گئے ہیں۔
8
ترک حکام نے خدشہ ظاہر کیا ہے کہ جنگلات میں لگنے والی آگ تخریب کاری بھی ہو سکتی ہے۔