کیلیفورنیا میں فائرنگ سے 14 افراد ہلاک

پولیس کے سربراہ جیروڈ برگوان کے مطابق پولیس نے فائرنگ کر کے دو مشتبہ حملہ آوروں کو ہلاک اور ایک کو گرفتار کر لیا۔

ذرائع ابلاغ نے مختلف سکیورٹی ذرائع کے حوالے سے بتایا ہے کہ حملہ آوروں میں سے ایک کی شناخت سید فاروق کے نام سے ہوئی ہے جو کہ امریکی شہری ہے۔

امریکہ کی ریاست کیلیفورنیا میں بدھ کو معذوروں کی بحالی کے ایک مرکز پر فائرنگ کر کے 14 افراد کو ہلاک کرنے والوں میں سے ایک حملہ آور کو شناخت کر لیا ہے۔

حملے کے بعد پولیس اہلکار لوگوں کو محفوظ مقام پر منتقل کر رہے ہیں۔

سان برنارڈینو، لاس اینجلس سے تقریباً ایک گھنٹے کی مسافت پر ہے اور یہ معذوروں کی تربیت کا یہ مرکز چالیس سال قبل قائم کیا گیا تھا۔

واقعے کے چند ہی گھنٹوں بعد پولیس نے ریڈلینڈز کے علاقے میں وہ گاڑی شناخت کر لی جس پر حملہ آور جائے وقوع سے فرار ہوئے تھے۔