ترکی میں فوجی قافلے کے قریب بم حملہ

ترکی کے دارالحکومت انقرہ میں فوجی قافلے کے قریب کار بم دھماکے میں کم از کم 28 افراد ہلاک جبکہ 61 افراد زخمی ہوئے ہیں۔

عینی شاہدین کا کہنا ہے کہ دھماکے کی آوازیں پورے شہر میں سنی گئیں اور بڑے پیمانے پر دھویں کے بادل دیکھے گئے۔

دھماکے کے بعد پولیس نے علاقے کو گھیرے میں لے لیا۔

ترک صدر رجب طیب اردوان نے بدھ کے روز وسطی انقرہ میں ہونے والے کار بم حملے کا بدلہ لینے کا عہد کیا ہے۔

کسی بھی گروپ نے اس دھماکے کی ذمہ داری قبول نہیں کی ہے۔

دھماکے کے فوراً بعد ایمولینسز اور آگ بجھانے والا عملہ وہاں پہنچا۔

یاد رہے کہ حال ہی میں ترکی میں کئی دھماکے ہوئے تھے اور استنبول میں ایک خود کش دھماکے کے نتیجے میں 10 افراد ہلاک بھی ہوئے تھے۔