دنیا بھر میں کرونا وائرس سے بچاؤ کی کوششیں

​کرونا وائرس سے اٹلی میں اب تک 79، ایران میں 77، جنوبی کوریا میں 28 اور جاپان میں 12 افراد ہلاک ہوچکے ہیں جب کہ بدھ کو عراق میں بھی پلاکت کی تصدیق ہوئی ہے۔

اٹلی میں وائرس کے باعث ہلاکتوں کی تعداد 79 تک جا پہنچی ہے، جو چین میں ہونے والی ہلاکتوں کے بعد سب سے زیادہ ہے۔ اٹلی میں جگہ جگہ طبی کیمپس قائم کر دیے گئے ہیں تاکہ مریضوں کا علاج آسانی سے ہوسکے۔

چین کے نیشنل ہیلتھ کمیشن کے مطابق منگل کو کرونا وائرس کے 119 نئے کیسز سامنے آئے جو گزشتہ روز کے مقابلے میں 125 کیسز کم ہیں۔ کمیشن کے مطابق کیسز میں کمی کا رجحان فروری کے وسط سے سامنے آیا ہے۔

کرونا وائرس سے بچاؤ کے لیے اب بھی دنیا بھر میں بڑے پیمانے پر ماسک کی خریداری جاری ہے۔ اسٹورز کے علاوہ اب ماسک سڑکوں کے کنارے واقع اسٹالز پر بھی فروخت کیے جارہے ہیں۔ 

یونان میں سڑکوں پر گاڑیوں میں سفر کرنے والوں کو جگہ جگہ روک کر معائنہ کیا جا رہا ہے، ان کی جسمانی حرارت نوٹ کی جارہی ہے۔

بینکاک کی اسکائی ٹرین میں سفر کرنے والوں کے لیے ماسک لگانے لازمی قرار دیا گیا ہے جس کا مقصد وائرس کو پھیلنے سے روکنا ہے۔ 

 

ایران میں بھی کرونا سے اب تک 77 اموات ہوچکی ہیں۔ چین اور اٹلی کے بعد ایران میں ہلاکتوں کے لحاظ سے تیسرا نمبر ہے۔ 

پاکستان میں بھی اب تک کرونا وائرس سے متاثرہ 5 افراد کی تصدیق ہوچکی ہے۔  

جنوبی کوریا میں  516 نئے کیسز رپورٹ ہوئے جب کہ سیکڑوں متاثرین اسپتالوں میں بستر خالی ہونے کے منتظر ہیں۔ نئے کیسز کے بعد جنوبی کوریا میں متاثرہ افراد کی تعداد 5328 ہو گئی ہے۔