معروف اداکارہ ڈیبی رینالڈز انتقال کر گئیں

ایک روز قبل ہی ڈیبی کی بیٹی کیری فشر کا سفر میں دوران پرواز دل کا دورہ پڑا تھا جس کی وجہ سے ان کا انتقال ہوگيا۔

ہالی ووڈ کی معروف امریکی اداکارہ ڈیبی رینالڈز 84 برس کی عمر میں انتقال کر گئیں۔

ڈیبی کو بدھ کو بیورلی ہلز کے قصبے میں اپنے بیٹے کے گھر پر دل کا دورہ پڑنے کے بعد طبی امداد کے لیے لاس اینجلس کے ایک اسپتال منتقل کر دیا گیا تھا۔

ڈیبی رینالڈز نے 1952 میں سنگن، ان دی رین نامی فلم میں جین کیلی کے ساتھ مقابل کام کیا۔

میری فرانسس ڈیبی رینولڈز 1932 میں امریکی ریاست ٹیکساس کے قصبے ال پاسو میں پیدا ہوئی تھیں اور انہوں نے تین بار شادی کی۔

50 اور 60 کے عشرے میں ڈیبی ہالی وڈ کی معروف ہستیوں میں سے ایک تھیں جنھوں نے کئی موسیقی سے لبریز اور مزاحیہ فلموں میں اداکاری کے جوہر دکھائے۔

سنگن ان دی رین میں بہترین کام کی وجہ سے محض 19 برس کی عمر میں ہی وہ ایک سٹار بن چکی تھیں۔

ڈیبی کے بیٹے ٹوڈ فشر نے ذرائع ابلاغ سے گفتگو میں ان کی موت کی تصدیق کرتے ہوئے کہا کہ "وہ کیری (فشر) کے پاس جانا چاہتی تھیں۔"

انہوں نے پہلی شادی گلوکار ایڈی فشر سے شادی کی جن سے ان کی دو بچے کیری اور ٹوڈ پیدا ہوئے بعد ازاں انہوں نے ایڈی سے طلاق حاصل کر لی۔

1964 میں ’انسنکیبل مولی براؤن‘ کے لیے انھیں بہترین اداکارہ کے لیے اکیڈمی ایوارڈ کے لیے بھی نامزد کیا گیا تھا۔