امریکہ میں انتخابات سے قبل ووٹنگ میں تیزی
اٹلانٹا میں ووٹرز اپنا حقِ رائے دہی استعمال کرنے کے لیے قطار میں کھڑے ہیں۔ امریکہ میں تین نومبر کو الیکشن ڈے سے قبل بھی ووٹرز مقررہ مقامات پر جا کر اپنا ووٹ کاسٹ کر سکتے ہیں۔
ریاست ٹیکساس کے شہر ہیوسٹن میں ووٹرز کو سماجی فاصلے کی یاد دہانی کرانے کے لیے زمین پر نشانات لگائے گئے ہیں۔
نومبر میں ہونے والے صدارتی انتخابات کے لیے ریاست ٹیکساس کے شہر ہیوسٹن میں بھی قبل از انتخابات ووٹنگ جاری ہے۔
رواں سال کرونا وبا کے باعث امریکہ میں انتخابات سے قبل ووٹنگ اور ڈاک کے ذریعے ووٹ کا حق استعمال کرنے کے رُحجان میں اضافہ ہوا ہے۔
ریاست ٹیکساس میں صدارتی انتخابات کے لیے 'ارلی ووٹنگ' کا آغاز 13 اکتوبر کو ہوا۔ بڑی تعداد میں لوگ مقررہ مقامات پر ووٹ ڈالنے پہنچ گئے۔
امریکہ میں صحتِ عامہ کے نگران ادارے 'سینٹر فار ڈیزیز کنٹرول' (سی ڈی سی) نے ووٹرز کو مشورہ دیا ہے کہ وہ روایتی طور پر قطاروں میں لگ کر ووٹنگ کے بجائے متبادل طریقوں سے ووٹ کا حق استعمال کریں۔
اٹلانٹا کا ہاکس اسٹیٹ فارم ارینا جہاں اگلے ماہ ہونے والے صدارتی انتخابات کے لیے قبل از انتخابات ووٹ ڈالے جا رہے ہیں۔
ماہرین رواں سال ہونے والے انتخابات کو امریکی تاریخ کے اہم انتخابات میں شمار کر رہے ہیں۔ ان انتخابات میں ریکارڈ ٹرن آؤٹ کا بھی امکان ظاہر کیا جا رہا ہے۔