نائیجریا: بازیاب ہونے والی طالبات گھروں میں پہنچ گئیں

نائجیریا کے شہر چیبوک سے اغوا کی جانے والی درجنوں طالبات میں سے مزید 21 کو رہا کروانے کے بعد ان کے اہل خانہ کے حوالے کر دیا گیا۔

ان لڑکیوں کو شدت پسند جنگجو گروپ بوکو حرام نے اغوا کیا تھا۔

نائیجیریا کے عہدیداروں کا کہنا ہے کہ ان لڑکیوں کی رہائی حکومت اور بوکو حرام کے درمیان مذاکرات کے نتیجے میں عمل میں آئی ہے۔

رہا ہونے والی لڑکیوں کے اہل خانہ ان سے ملنے کے بعد خوش ہو رہے ہیں۔

نائیجیریا کے دارالحکومت ابوجا میں ایک تقریب بھی منعقد کی گئی۔

اب تک درجنوں کی تعداد میں لڑکیاں بوکو حرام کی قید سے فرار ہو کر واپس اپنے خاندان سے آ ملیں تاہم اب بھی ان کی بڑی تعداد لاپتا ہے۔

اپریل 2014ء میں چیبوک شہر میں واقع ایک سکول پر حملہ کر کے بوکو حرام نے 200 سے زائد لڑکیوں کو اغوا کر لیا تھا۔

نائجیریا کے شہری رہا ہونے والی طالبات کی خبر پڑھتے ہوئے۔