لاک ڈاؤن کی خلاف ورزی پر سزائیں اور گرفتاریاں
بھارت کے شہر چنائی میں لاک ڈاؤن کی خلاف ورزی کرنے والوں سے پولیس اہلکاروں نے کان پکڑوا کر سٹ اپس لگوائے۔ بھارت میں کرونا کیسز میں مسلسل اضافہ ہو رہا ہے۔
بھارت کی ریاست سورت گڑھ میں مہاجر مزدوروں نے گھر واپسی کے لیے احتجاجی مظاہرہ کیا۔ صورتِ حال خراب ہونے پر پولیس نے مظاہرین پر تشدد کیا اور کئی افراد کو حراست میں بھی لیا گیا۔
بھارت میں لاک ڈاؤن میں نرمی کے بعد سماجی فاصلے برقرار رکھتے ہوئے شراب خانے کھولنے کی بھی اجازت دی گئی۔ لیکن اس کے باوجود رش ہونے پر پولیس کو لاٹھی چارج کرنا پڑا۔
افریقی ملک کینیا میں لاک ڈاؤن کی خلاف ورزی کرنے والے شخص کی مبینہ طور پر پولیس تشدد سے ہلاکت پر ہنگامے شروع ہو گئے۔ پولیس نے مظاہرین کو منتشر کرنے کے لیے آنسو گیس کا بھی استعمال کیا۔
ایمبولینس نہ ملنے پر پولیس کے ہاتھوں مارے جانے والے شخص کی میت ہتھ گاڑی کے ذریعے اس کے گھر پہنچائی گئی۔
گوئٹے مالا میں بھی کرفیو کی خلاف ورزی کرنے والے متعدد افراد کو پولیس نے گرفتار کر لیا۔
صومالیہ میں لاک ڈاؤن کے باعث سماجی فاصلوں کے پیشِ نظر لوگوں کو سمندر میں نہانے سے روکنے کے لیے پولیس اہلکار ساحل سمندر پر پہنچ گئے۔
فرانس کے شہر نیس میں لاک ڈاؤن کے باعث لوگوں کو نقل و حمل محدود رکھنے کی ہدایات دی گئی ہیں۔ لاک ڈاؤن کے دوران پولیس ایک شخص کی تلاشی لے رہی ہے۔
اسرائیل میں بھی کرونا کا پھیلاؤ روکنے کے لیے لاک ڈاؤن جاری ہے۔ پولیس یہاں بھی لاک ڈاؤن کی خلاف ورزی کرنے والوں کو حراست میں لے رہی ہے۔