پاکستان میں شدید بارشوں سے تباہی

پاکستان کے شمال مغربی صوبہ خیبرپختونخواہ، گلگت بلتستان میں جاری شدید بارشوں کے نتیجے میں اب تک 50 افراد ہلاک ہو گئے ہیں۔

خیبرپختونخواہ میں جمعہ کو دیر گئے شروع ہونے والی بارش دریاوں اور ندی نالوں میں تغیانی کا باعث بنی۔

مختلف علاقوں میں مکانوں کی چھتیں اور دیواریں گرنے کے علاوہ پہاڑی تودے گرنے سے بھی جانی و مالی نقصان ہوا۔

آفات سے نمٹنے کے صوبائی ادارے کے مطابق سب سے زیادہ نقصان مالاکنڈ اور ہزارہ ڈویژن میں ہوا۔

آئندہ 24 گھنٹے میں بارشوں کے اس سلسلے میں کمی آنے کی پیشن گوئی کی گئی ہے۔

مختلف مقامات پر پہاڑی تودے گرنے سے شاہراہ قرام قرم متاثر ہوئی ہے اور اس پر سفر کرنے والے متعدد افراد پھنس گئے ہیں۔

شمالی علاقے گلگت بلتستان میں کم از کم 20 افراد ہلاک ہوئے۔

پاکستان کے زیر انتظام کشمیر کے علاقے وادی نیلم میں پہاڑی تودہ گرنے سے کم ازکم آٹھ افراد ہلاک ہوئے جن میں پانچ بچے بھی شامل ہیں۔

تیز بارش دریاوں اور ندی نالوں میں تغیانی کا باعث بنی۔

آفات سے نمٹنے کے صوبائی ادارے اور متعلقہ انتظامیہ متحرک ہے اور متاثرہ لوگوں کو امدادی سامان پہنچانے کا بتایا جا رہا ہے۔