تصاویر: طوفان 'مریا' پورٹو ریکو سے ٹکرا گیا

گزشتہ 90 برس میں پورٹو ریکو سے ٹکرانے والا یہ شدید ترین طوفان تھا

طوفان کے تحت چلنے والی ہواؤں کی رفتار 250 کلومیٹر فی گھنٹہ تک تھی۔

'مریا' کے باعث پورٹو ریکو میں خاصی تباہی ہوئی ہے جہاں کئی عمارتوں کی چھتیں اڑ گئی ہیں

'مریا' اس سے قبل کیریبئن جزائر میں خاصی تباہی مچا چکا ہے جہاں طوفان کے باعث اب تک 10 افراد کے ہلاک ہونے کی تصدیق ہوئی ہے۔

امریکہ کے 'نیشنل ہری کین سینٹر' نے پورٹو ریکو کے پورے جزیرے کے لیے سیلابی وارننگ جاری کی ہے اور جزیرے پر آباد 34 لاکھ افراد کو خبردار رہنے کا کہا ہے

'مریا' نے پیر کی شام جس وقت کیریبین کے مشرقی جزیرے ڈومینیکا کو نشانہ بنایا تھا اس وقت اس کی شدت پانچ تھی جو انتہائی شدید طوفان کو ظاہر کرتی ہے۔

پورٹو ریکو کے گورنر ریکارڈو روزیلو کے مطابق طوفان سے جزیرے پر اب تک ایک شخص کے ہلاک ہونے کی تصدیق ہوئی ہے۔

نیشنل ہریکین سینٹر کے مطابق طوفان کے باعث پورٹو ریکو میں جمعے تک 20 سے 30 انچ تک طوفانی بارشیں ہوں گی جس کے باعث جزیرے کے بیشتر علاقے زیرِ آب آسکتے ہیں

بدھ کو طوفان کے پورٹو ریکو سے ٹکرانے کے موقع پر حکومت نے پورے جزیرے پر صبح سے رات گئے تک کرفیو نافذ کردیا تھا تاکہ لوگوں کو گھروں سے باہر نکلنے سے روکا جاسکے

سینٹر نے خبردار کیا ہے کہ ڈومینیکن ری پبلک سے ٹکرانے کے بعد طوفان مزید شدت اختیار کرسکتا ہے جس کے باعث اس کے راستے میں پڑنے والے دیگر کیریبئن جزائر کے لوگوں کو انتہائی احتیاط برتنا ہوگی۔

بیشتر علاقوں میں بجلی کی ترسیل منقطع ہے جب کہ سڑکیں کاٹھ کباڑ اور ملبے سے اٹی ہوئی ہیں