صدر ڈونلڈ ٹرمپ نریندر مودی کے دیس پہنچ گئے
امریکی خاتون اول میلانیا بھی صدر ڈونلڈ ٹرمپ کی شریک سفر ہیں۔
صدر ٹرمپ کی آمد پر بھارتی وزیرِ اعظم نریندر مودی نے 'جپھی' دے کر اپنے مہمان کا استقبال کیا۔
کسی بھی امریکی صدر کا یہ آٹھواں اور صدر ٹرمپ کا پہلا دورہ بھارت ہے۔
صدر کی آمد پر وزیراعظم نریندر مودی نے مہمان صدر سے حکام کا تعارف بھی کرایا۔
گزشتہ برس ٹیکساس میں صدر ٹرمپ نے 'ہاؤڈی مودی' تقریب میں شرکت کی تھی اور اسی طرز کی ایک تقریب سردار ولبھ بھائی کرکٹ اسٹیڈیم میں سجائی گئی جسے 'نمستے ٹرمپ' کا نام دیا گیا۔
سردار ولبھ بھائی کرکٹ اسٹیڈیم گجرات میں سجائی گئی تقریب 'نمستے ٹرمپ' میں لوگوں کی ایک بڑی تعداد موجود تھی۔ اسٹیڈیم میں ایک لاکھ دس ہزار افراد کے بیٹھنے کی گنجائش ہے۔
صدر ٹرمپ مختلف شاہراؤں سے ہوتے ہوئے اندرون شہر پہنچے۔ راستے میں جگہ جگہ لوگوں کی بڑی تعداد موجود تھی جنہوں نے اپنے ہاتھوں میں امریکہ اور بھارت کے پرچم اٹھائے ہوئے تھے۔