رحیم یار خان میں خوف ناک ٹرین حادثہ
حادثہ لاہور سے کوئٹہ جانے والی اکبر ایکسپریس کو پیش آیا جو لوپ لائن پر کھڑی مال گاڑی سے ٹکرائی۔
حادثے کے فوری بعد مقامی افراد نے اپنی مدد آپ کے تحت امدادی سرگرمیاں شروع کیں۔ بعد ازاں امدادی اہلکار اور پولیس بھی جائے واقعہ پر پہنچے۔
حادثے کے زخمیوں کو صادق آباد اور رحیم یار خان کے اسپتالوں میں منتقل کیا گیا ہے۔
ریلوے حکام کا کہنا ہے کہ بظاہر لگتا ہے کہ حادثہ بروقت کانٹا تبدیل نہ کرنے کے باعث پیش آیا۔ تاہم حادثے کی اصل وجوہات کا تعین تحقیقات مکمل ہونے کے بعد ہی ہوسکے گا۔
حادثے کے باعث اکبر ایکسپریس کی چار بوگیاں پٹری سے اتر گئیں۔
پاکستان میں گزشتہ چند ماہ کے دوران ریلوے حادثات میں اضافہ ہوا ہے جن میں اب تک درجنوں افراد کی جانیں جا چکی ہیں۔