'فرانس کے سفیر کو نکالا تو ایف اے ٹی ایف میں مشکل ہو گی'

پنجاب کے صوبائی وزیرِ قانون راجہ محمد بشارت کا کہنا ہے کہ کالعدم تحریک لبیک پاکستان کے چار، پانچ لوگ مل کر فیصلہ کر لیتے ہیں اور اسے عوام اور حکومت پر مسلط کرنا چاہتے ہیں۔ انہوں نے کہا کہ اگر فرانس کے سفیر کو نکالیں گے تو اس کے بین الاقوامی سطح پر اثرات ہوں گے۔ پاکستان کے سر پر ایف اے ٹی ایف کی تلوار لٹکی ہوئی ہے اور اس کی گرے لسٹ سے نکلنے کے لیے پاکستان جتنی کوششیں کر رہا ہے، وہ سب سبوتاژ ہو جائیں گی۔