میونخ میں فائرنگ سے نو ہلاک
جرمنی کے شہر میونخ میں ایک شاپنگ سینیٹر میں فائرنگ سے ہلاکتوں کی تعداد نو ہو گئی ہے۔
میونخ پولیس کے سربراہ ہربرٹس آندرے کے مطابق اٹھارہ سالہ مشتبہ حملہ آور ایرانی نژاد جرمن شہری تھا۔
جرمن پولیس کے مطابق حملہ آور تنہا تھا جس نے بعد میں خود کو بھی گولی مار کر ہلاک کر لیا۔
اس واقعہ میں 20 سے زائد افراد زخمی ہوئے جن میں سے تین کی حالت تشویشناک بتائی جاتی ہے۔
حملے کے بعد ٹرانسپورٹ کا نظام معطل کر دیا گیا جب کہ میونخ کے مرکزی ریلوے اسٹیشن کو بھی خالی کروا لیا گیا تھا۔
عینی شاہدین کے مطابق حملہ آور نے اولمپیا شاپنگ سینیٹر کے قریب جانے سے قبل قریبی سڑک پر کھڑے لوگوں پر بھی فائرنگ کی۔