تصاویر: برف باری کے بعد مری کی رونق میں اضافہ
مری میں ہونے والی حالیہ برف باری سے سردی کی شدت میں مزید اضافہ ہو گیا ہے۔
مری کے راستے سیاحوں کی آمد کے باعث ٹریفک کے دباؤ کا شکار ہیں۔
برف باری کے بعد وادی مری میں درختوں نے جیسے سفید چادر اوڑھ لی ہے۔
موسم کی شدت نے مقامی لوگوں کے ساتھ ساتھ سیاحوں کے لیے بھی مشکلات پیدا کی ہیں۔
لیکن اس کے باوجود ملک بھر کے میدانی علاقوں سے لوگ اپنے اہلِ خانہ سمیت برف باری دیکھنے کے لیے مری کا رخ کر رہے ہیں۔
ٹھنڈے ٹھار موسم میں آسمان سے گرنے والے برف کے گالوں نے ہر طرف حسن بکھیر دیا ہے۔
برف باری کی وجہ سے مری میں ٹریفک کی روانی بھی متاثر ہوئی۔
مری کی طرف آنے والی مرکزی سڑک اور شہر کی کئی شاہراہوں پر سیاحوں کی گاڑیاں برف میں پھنسی رہیں۔
لیکن برف باری کے باوجود مال روڈ کی رونقیں ماند نہیں پڑی ہیں۔