سری لنکا: گرجا گھروں، ہوٹلوں میں دھماکے

پولیس حکام کے مطابق نشانہ بننے والے دو ہوٹل اور ایک چرچ کولمبو جبکہ ایک چرچ کو کولمبو کے شمال میں نیگاموبو میں نشانہ بنایا گیا ہے۔

سری لنکا کے دارالحکومت کولمبو سمیت ملک کے مختلف حصوں میں ہونے والے دھماکوں میں 100 سے زائد افراد ہلاک اور 300 سے زائد زخمی ہو گئے ہیں۔

حکام کے مطابق دھماکے گرجا گھروں میں جاری ایسٹر کی دعائیہ تقریبات کے دوران ہوئے۔

کولمبو نیشنل ہسپتال کی ڈائریکٹر سمیندی سمکروں نے تصدیق کی ہے کہ یہاں 20 لاشیں اور 280 سے زائد زخمی لائے گئے ۔

پہلا دھماکہ کولمبو میں سینیٹ انتھونی چرچ جبکہ کولمبو کے نواح میں واقع سینٹ سبیسن چرچ میں ہوا۔

حکام کے مطابق دھماکوں کے بعد ان مقامات پر تلاش کا کام جاری ہے جبکہ تاحال واقعے کی ذمہ داری کسی نے قبول نہیں کی۔

سری لنکا کے وزیر اعظم رانیل وکرما سنگھے نے دھماکوں کی مذمت کرتے ہوئے اسے سفاکانہ اقدام قرار دیا ہے۔

غیر ملکی سیاحوں کی بہت بڑی تعداد چرچ اور ہوٹلوں میں موجود رہتی ہے۔