صدر ٹرمپ کی نیواڈا میں انتخابی ریلی

صدر ٹرمپ کی انتخابی مہم ان دنوں زورو شور سے جاری ہے۔ صدر ان ریاستوں کے دورے پر ہیں جو ہر مرتبہ فیصلہ کن کردار ادا کرتی ہیں۔

رینو ایئر پورٹ کے قریب ہونے والی اس انتخابی ریلی میں صدر کی آمد سے قبل ہی لوگ جلسہ گاہ میں جمع ہونا شروع ہو گئے تھے۔

صدر ٹرمپ کے حامی انہماک سے اُن کا خطاب سن رہے ہیں۔ صدر ٹرمپ دوسری مدت کے لیے ری پبلکن پارٹی کے اُمیدوار ہیں۔

صدر ٹرمپ نے اپنے خطاب میں کرونا وبا سے نمٹنے کے لیے اپنے اقدامات سے آگاہ کرتے ہوئے بتایا کہ بہت جلد کرونا ویکسین امریکی شہریوں کو دستیاب ہو گی۔

صدر کے حامی جلسہ گاہ میں نعرہ بازی کرتے رہے۔ اس موقع پر کئی افراد نے بینرز اور پلے کارڈز اُٹھا رکھے جن پر صدر کے حق میں نعرے درج تھے۔

صدر ٹرمپ کو 2016 کے صدارتی انتخابات میں ریاست نیواڈا سے شکست ہوئی تھی۔ تاہم صدر نے دعویٰ کیا کہ اس بار وہ یہاں سے کامیابی حاصل کریں گے۔

صدر ٹرمپ نے ایک بار پھر ڈاک کے ذریعے ووٹنگ میں شفافیت پر سوال اُٹھایا اور کہا کہ ڈیمو کریٹک پارٹی کے مقامی گورنر پر اُنہیں اعتماد نہیں ہے۔

وائٹ ہاؤس کے مطابق صدر ٹرمپ پیر کو ریاست کیلی فورنیا جائیں گے۔ جہاں آگ سے متاثرہ علاقوں کی صورتِ حال اور نقصانات سے متعلق اُنہیں بریفنگ دی جائے گی۔