سال 2020 کی کچھ دلچسپ تصاویر

جاپان کے دارالحکومت ٹوکیو میں لوگ روحانی پاکیزگی اورخوش بختی کے لیے سالانہ میلے میں  ٹھنڈے پانی سے نہا کر نئے سال کا جشن منانے میں مصروف ہیں۔ یہ روایت کئی سال سے چلی آ رہی ہے۔ 

جاپان کے اوکایاما ٹیمپل میں لنگوٹ پہنے لوگ لکڑی کی چھڑی پکڑنے کی کوشش کر رہے ہیں۔ پادری کی جانب سے پھینکی گئی چھڑی کو پکڑنے والا سال کا خوش قسمت آدمی تصور ہوتا ہے۔

مصر کی وادیٔ اسوان میں دریائے نیل کے مغربی کنارے میں ایک شخص اپنے گھر کے سامنے اونٹ سے اٹھکیلیاں کرنے میں مصروف ہے۔ 

بھارتی دارالحکومت نئی دہلی میں ہندو عقائد کے مطابق موت کے دیوتا یمراج کا روپ دھارے ایک شخص لوگوں کو کرونا وائرس کے خلاف احتیاطی تدابیر کی تلقین کر رہا ہے۔

بیلاروس میں ایک شخص نے کار نما ٹانگہ بنا رکھا ہے، گھوڑے کے پیچھے ایک گاڑی کا ڈھانچہ لگایا گیا ہے جس میں  استعمال شدہ اشیا، بیٹری، ییڈلائٹس اور دیگر چیزیں بھی نصب ہیں۔  

فرانس میں کرونا وبا کے باعث بند تھیٹرز دوبارہ کھلے تو فلم بینوں کے درمیان کچھ کھلونے رکھ کر سماجی فاصلہ برقرار رکھا گیا۔

اسپین میں کرونا کے باعث بیلوں کا سالانہ میلہ منسوخ ہو گیا۔ ایک سیاح سووینئیر شاپ کے باہر تصویر بنوا رہا ہے۔

برطانیہ کے ساحلی شہر ڈوور میں پرندے نے ماسک کو اپنی چونچ میں جکڑ رکھا ہے۔ 

ویتنام میں 92 سالہ شخص اپنے 16 فٹ لمبے بالوں کی تصویر بنوانے میں مصروف ہیں۔ انہوں نے 80 سال سے اپنے بال نہیں کٹوائے۔

اٹلی کے ساحلوں میں سیکیورٹی پر مامور خواتین تربیت یافتہ کتوں کے ہمراہ ایک ٹریننگ سیشن میں شریک ہیں۔
 

میکسیکو میں سراپا احتجاج ٹیکسی ڈرائیورز کا منفرد احتجاج، ایک شخص نے اسپائیڈر مین کا رُوپ دھار رکھا ہے۔ 

 

روس کے دارالحکومت ماسکو کے ایک پارک میں کتا اسکیٹ بورڈ پر اٹھکیلیاں کرنے میں مصروف ہے۔