د امریکا غږ د ریس د اختر د مبارکۍ پیغام:
زه په واشنګټن کې د امریکا غږ ریس ډیویډ انسور یم. د امریکا غږ د ټولو کارکوونکو په استازیتوب د امریکا غږ ټولو اورېدونکو او کتونکو ته د اختر مبارکي وایم. اختر مو مبارک شه! د روژې په مبارکه میاشت کې زمونږ خبریالانو د نړۍ له گوټ گوټ څخه تاسو ته خبرونه وړاندي کړل. دوی تاسو ته په دې اړه راپورونه وړاندې کړل چې مسلمانان د نړۍ په بیلا بیلو سیمو کې د روژې میاشت څنگه تېره کړه. مونږ هیله لرو چې ددغو رپوټونو له برکته به مونږ نور هم سره نږدې شو، او مونږ له تاسو څخه مننه کوو چې تاسو په نړۍ کې د امریکا غږ برخه یاست. په خدای مو سپارم