مراکش میں عقیدت مندوں کے لیے 'روشنیوں کا دن'

افریقی ملک مراکش میں یوم عاشور باقی ممالک کے مقابلے میں منفرد انداز میں منایا جاتا ہے۔ یہاں جلوس نہیں نکلتے نہ ہی ماتم ہوتا ہے بلکہ مراکشی عوام اسے روشنیوں کے دن کے طور پر مناتی ہے۔ نئے نئے پکوان پکائے اور کھلائے جاتے ہیں۔ آتش بازی کی جاتی ہے اور آلاؤ روشن کئے جاتے ہیں۔ نوجوان سڑکوں پر مختلف تقریبات اور مقابلوں کا اہتمام کرتے ہیں جبکہ خواتین گھروں پر میٹھائی، قہوہ اور ڈرائی فروٹ سے مہمانوں اور اہل خانہ کی تواضح کرتی ہیں۔